Diese Seite mit anderen teilen ...

Informationen zum Thema:
Forum:
Red Blue Devils Poeten Forum
Beiträge im Thema:
14
Erster Beitrag:
vor 15 Jahren, 7 Monaten
Letzter Beitrag:
vor 15 Jahren, 7 Monaten
Beteiligte Autoren:
atzge, Goofy, Betty Bossi, Faninho, Fanti, stollensammler, Zuschauer, RKB

E Värsli fyr dr Massimo!

Startbeitrag von atzge am 14.05.2002 13:27

Alli schreie ob däm Gross-Entscheid,
s isch scho die aint oder ander ins Koma gheit!
Kai Vertrag me fyr e Kultobjäggt,
Sie hännen uss em Stadion gfäggt!
:rp:
Fertig die Slalomlaiff an dr Linie,die sin Gschicht
deert seggled jetzt e andre Wicht.
Kaini Bananeflangge me vom Massimo,
i glaub i träum,isch s wirgglig so?
:rp:
Kai Tunnel me durch die grumme Bai,
verglemmi i glaub jetzt blyyb i dehai.
Denn in dr Bruscht vo däm glaine Maa,
hett s greeschte Kämpferhärz sy Plätzli gha!
:rp:
Er isch e läbigs Monumänt in sinere Stadt am Rhy
isch bi vielne Schlachte fyr dr FCB gsi derby!
Kai Scheenwätterfuessballer,kai Technigger,nai e Grampfer
wo nie hett verloh dä kultig,oft schlingerndi rotblaui Dampfer!
:rp:
Drum fordere ych fyr unsere glaine Prince of our hearts
e toll Abschiedsspiel,denn sunnscht sehn i schwarz!
Alli miehsam erarbaitete Symphatie wäre nichtig,
denn by uns isch ebbe anders wichtig!
:rp:
Binded en an Club dodriiberuss,
miner Mainig noch e MUSS.
Denn Ceccaroni und Rotblau,
das hett immer passt,findet Ihr nidd au?!
:rp:



Ciao Massimo,i ka gar nidd in Wort fasse was i im Momänt fühl!Au wenn i spür das es dr richtig Entschaid isch vom FCB und em Gross,isch s doch hart,will ändgültig!
Merci fyr alles!S sin kaini Pokäl wo de uns beschert hesch,viel wichtiger- de hesch uns uffzaigt was me mit em rächte Wille und Härz alles ka erraiche!Bisch e oberaffetittegaile Siech-uff ewig!

:cheers:

Antworten:

ganz eifach nur kompliment für die träffende wort!

von stollensammler - am 14.05.2002 13:32
Lieber Atzge,

ich mäld mi jo nid eso oft do inne, aber was Du jetzt grad do anbrünzlet hesch, das spricht mir us mim Härze. Ud dodrzue wött ich Dir dangge !

Dangge wött ich aber au im Cecca für sini Clubtreui und si Isatz, au in de beschissenschte Zyte !

DANGGE CECCA, VIELE, VIELE HÄRZLIGE DANGG !

RKB

von RKB - am 14.05.2002 13:33
Mein lieber Freund

Einmal mehr Sonderklasse. Habe mir erlaubt Deinen Beitrag auf die Mailingliste zu donnern. Natürlich mit Hinweis auf den Autor.

Atzge bisch und blibsch e Bombe.

von Betty Bossi - am 14.05.2002 13:37

Thanxx! :cheers:



von atzge - am 14.05.2002 13:44


I glaub es goht unzählige so wie s mir grad gange isch,verdammi i ha s Hiehnerkombi immer no a.......und e fiechts Gsicht!!!!!!

......scheen wieder mol was z heere vo dr,wenn s au so ne truurige Alass isch!

greetz atzge



von atzge - am 14.05.2002 13:45


Ha s mitgrieggt;Betty,s liggt scho bi mir im Briefkaschte,im virtuelle!

Danggscheen fyr d Blueme!

:cheers:



von atzge - am 14.05.2002 13:46
*applaus* für einen meisterdichter!

:cheers:



von Zuschauer - am 14.05.2002 13:48
Also ich wär drfir, dass dr Cecca d Poete Ehremitgliedschaft uff Läbzytte bikunnt.



von Goofy - am 14.05.2002 13:49
Also ich wär drfir, dass dr Cecca d Poete Ehremitgliedschaft uff Läbzytte bikunnt.



von Goofy - am 14.05.2002 13:50
Lieber Atzge

Wo nimmst Du all die Vasen für die vielen Blumen her ?

An der nächsten Poeten-Fete schenke ich Dir eine grosse Vase. Ist was anderes als ein Buch im Regal :-)

Liebe Grüsse an Deine liebe Familie.

So, nun muss ein Bier her. Ich stosse dann "virtuell" auf Dich an :-)

von Betty Bossi - am 14.05.2002 13:54


Proscht,Betty,lüpf dä Moscht,bigoscht!

:cheers:



von atzge - am 14.05.2002 13:56
:spos: :spos: :spos: :spos: :spos: :spos: :spos: :spos: :spos: :spos: :spos: :spos: :spos: :spos: :spos:



von Fanti - am 14.05.2002 14:48
danke atzge, danke massimo!!!!

auf dass ihr uns BEIDE erhalten bleibt !!!!!!



von Faninho - am 14.05.2002 16:24
Zur Information:
MySnip.de hat keinen Einfluss auf die Inhalte der Beiträge. Bitte kontaktieren Sie den Administrator des Forums bei Problemen oder Löschforderungen über die Kontaktseite.
Falls die Kontaktaufnahme mit dem Administrator des Forums fehlschlägt, kontaktieren Sie uns bitte über die in unserem Impressum angegebenen Daten.