Diese Seite mit anderen teilen ...

Informationen zum Thema:
Forum:
Red Blue Devils Poeten Forum
Beiträge im Thema:
10
Erster Beitrag:
vor 16 Jahren, 1 Monat
Letzter Beitrag:
vor 16 Jahren, 1 Monat
Beteiligte Autoren:
Jessy, Latteknaller, Don Daniel, Fanti, Dylan, sermeter

Guete Morge

Startbeitrag von Jessy am 06.06.2002 05:41

Hei, do hani jo geschter öbbis verpasst mit däne Dütsche, ha mi aber hütmorge köschtlich amüsiert bim läse, isch jo dr Hammer was sie zum Teil gschriebe hän. Ok, ha nid alles gläse, isch mer zum Teil eifach z'blöd gsi. Aber wenn me am Morge so viel z'lache het (bi sit am 6 im Gschäft) isch me ufgstellter und cha dr Dag miteme lächle afange :-)

Antworten:

Guete Morge Jessy, I ha mit nit ganz so kenne amisiere wie Du, vorallem wonni dä Schoofseggel (sorry fir dä Ussdrugg aber sisch do wohr) mitem Arische Volgg glääse ha...Aber was solls, au die Dumme schtärbe, aber sie schtärbe laider nit us...Ibrigens findi au die ganzi "Schwoobe-Hasserei" e bitz komisch...Hemmer am Änd nit alli e weneli e Kompläggs unsere Noochbere gägeniber?

von Dylan - am 06.06.2002 06:02
Velicht scho es chli, aber ich bi halt e halbi Britin (ursprünglich irischer Abstammig), und für mich persönlich isch es halt e chli wie Basel-Züri :rolleyes: . Und vo wäge Arisches Volgg, au wenns e chli makaber isch, dr Satz vom Rotblau in "Danke, wir wissen es" vo wäge mer heige kei Wältkrieg azettlet findi heiss.

von Jessy - am 06.06.2002 06:13
Solang dr "gross Kanton" so glatti Sieche produziert wie die wo letschti Nacht unser Forum "versyycht" hänn heert die "Schwoobe-Hasserei" nit uff. Ych schaff mit Dytsche zämmen und waiss dass es vyyli, vyyli anderi git, dorum: ignoriere mer doch die baar Deppe vo geschtert...



von Fanti - am 06.06.2002 06:18
:D :joke: :D



von sermeter - am 06.06.2002 07:14
i bi jo au live dr bi gsi, s'het ebe scho zimlich gnärvt. und anstell vo e paar hundert antworte hani eigentlig s'gfühl gha s'halte sich alli poete extrem zrug....

i glaub mir alli hän gschnallt, das mr s'niveau am beste schützte, weme das ganzi eifach ignoriert.

und dodrmit meini au s'läse vo so zügs. nach de erste zwei drei doofe postings lies i us prinzip nüm witer...

ok villicht hät me däne sotte erkläre, dass mr dohi gflüchtet sin um so zügs z'umgoh und au wenn's nur "spass" isch dorum zimlich heikel reagiere...



von Don Daniel - am 06.06.2002 07:34
findy stargg vo dir, dass de hesch chönne lache. y ha mi numme masslos uffgregt.. (und due das immer no).

wemme das züüg liest muess me sich ächt nümm wundere wohär d'abneigig gege die dütsche chunnt !



von Latteknaller - am 06.06.2002 07:39

@ alli

Hei Leuts, sorry, isch frieh am morge gsi. Hätt nid dänggt das ihr das alli in falsche Hals bechömmed. Aber es sind döch öbbe die gliche diskussione wie mer mit de Zürcher amigs händ, und nur will mer Fuessballerisch Krieg führe heisst das nid dass me alli Zürcher hasst. Ich jedefalls nid, mi Fründ isch sälber e halbe und het sini erschte paar Läbensjoor dört verbrocht. Und mit de Dütsche hani überhaupt kei problem, s'git vo jedem volk sottige und sönigi. Es paar gueti Kollege vo mir chömme vom Dütsche und bi uns im Gschäft hets scho fascht meh Dütschi wie Schwizer. Und wenni grad dra bi, dä Satz "Mir händ kei Wältkrieg azetlet" isch nur us eim Grund heiss, er hettt nämlig gar nüt mit däre Sach z'tue. Das hani eigentlich gmeint kha aber mich falsch usdruggt. Und wie witer obe vo dr/vom Starmy scho richtig gseit, isch es sowieso nid die hüttigi Generation gsi. I hoff i ha das chönne klar stelle und wird mich in Zuekunft achte so früeh am morge mini statements lieber 2 mol durez'läse. :-(

von Jessy - am 06.06.2002 09:20

Re: @ jessy

wieso falsche hals?

ych ha das im fall ärnscht gmeint! ych bewundere lüt, wo chönne lache, wenns sich nid lohnt uffzrege. ych hät mängisch gärn e stügg vo dere glasseheit.



von Latteknaller - am 06.06.2002 09:24

Re: @ jessy

Ich ha die Glasseheit kha will ichs im nochhinein gläse ha und eh mit niemerem meh hätt chönne stritte. Usserdäm hani mini iträg nomol gläse, und me hättis eint oder andere ebe scho chönne falsch verstoh. Und glaubs mer, i bi nid immer so glasse, wenns um öbbis goht wo mich persönlich oder mini Familie (inkl. Fründ und Kollege) betrifft wird i schnäll rot und sag Sache wonich nochhär bereu und hätt chönne besser mache wenn i die Sach ganz ruhig agange wär. Aber ebe, me lernt nie us :-)

von Jessy - am 06.06.2002 11:30
Zur Information:
MySnip.de hat keinen Einfluss auf die Inhalte der Beiträge. Bitte kontaktieren Sie den Administrator des Forums bei Problemen oder Löschforderungen über die Kontaktseite.
Falls die Kontaktaufnahme mit dem Administrator des Forums fehlschlägt, kontaktieren Sie uns bitte über die in unserem Impressum angegebenen Daten.