Diese Seite mit anderen teilen ...

Informationen zum Thema:
Forum:
Red Blue Devils Poeten Forum
Beiträge im Thema:
10
Erster Beitrag:
vor 15 Jahren, 11 Monaten
Letzter Beitrag:
vor 15 Jahren, 11 Monaten
Beteiligte Autoren:
Betty Bossi, Latteknaller, Rotblau, Faninho, Captain Sky, sermeter

Gestern im Hattrick

Startbeitrag von Betty Bossi am 06.07.2002 11:42

Konnte leider nicht anwesend sein.

Was wurde so Interessantes diskutiert ? Gibt es "news" rund um den FCB ? Insider-Wissen ? etc. etc.

Merci für ein allfälliges Feedback.

Antworten:

iu. ä vertragsverlängerig vo sächa mönet ......... :joke:

aber frag di angerä für wär cha nüm schribä vor lachä



von sermeter - am 06.07.2002 11:58
hi betty

mir hän eigendlig usschliesslich über abwäsendi poete gläschteret ;)

aber e paar news gyts scho:

- dr beni huggel muess nomol zunere kneuspiegelig
- dr nenad savic het um 6 mönet (!!??) vrlängeret
- d'goofy isch im aussie-lyybli cho und dr fanti in däm vo de schotte
- d'kimrobin het alles ghaue, was sich bewegt het
- d'kaviarlady hingege fascht numme my
- st.jakob-park-parkhuus choscht für 6 stund 5 stutz, was ych no rächt pryyswärt find
- im hattrick chönne sy nid rächne
- d'töggeli-titelverteidigung isch em wätter zum opfer gfalle
- wenn dr fanti und ych emol über musik föhn afo diskutire simmer nümme z'brämse
- dr locke und dr kopfschüttler hän sich per sms ins hock-geschehe yygmischt.
- d'grufty het zunere verspötete geburri-suffete yyglade (details folge)
- dr mätzli het e cecca-abschyydspyyl-fanaktion vorgstellt
- dr hattrick-burger isch sehr z'empfähle (eifach gnueg serviette vrlange)
- 5 tisch hän miesse zämme gstellt wärde um allne platz z'biete
- me het sich uff die 3 in dr schalterhallalalalala, schalterhallalalalalala, schalterhallalalalalala vrabredet
- dr wheely wöt kei snöber sy
- e skateboard isch e deck mit rolle (so öppis muess me wüsse!)
- bi dr grufty im rucksack hett alles sy platz
- dr dondaniel isch dr ganz oobe e biz nervös gsy (wurum eigendlig :D)
- zilina heisst eigendlig schilina
- skol heisst schüssle
- s'frappe schmeggt meh nach milch als nach banane (vor allem wemme e ärdbeerfrappe bstellt)
- dr rincewind het siny erschti uffwartig amene poeteaalass gmacht
- mit 28 wird me behandlet wiene ussetzige (hany ghört)
- etc, etc.

s'gäbti none huffe.

aawäsendi: captain sky, fanti (inkl. fantine und -inchen), highlander und kaviarlady + nochwuchs, grufty, mätzli, sermeter, dondaniel, wheely, rotblau (leider nur kurz), goofy, rincewind, knaller + -in

e sehr gmüetliche aalass, y freu my scho uff dr näggscht.

schüssle.. äähh skol !



von Latteknaller - am 06.07.2002 12:03
"aawäsendi: fanti (inkl. fantine und -inchen), highlander und kaviarlady + nochwuchs, grufty, mätzli, sermeter, dondaniel, wheely, rotblau (leider nur kurz), goofy, rincewind, knaller + -in"

Da fühl ich mich gerade ein wenig ausgestossen und übergangen!

von Captain Sky - am 06.07.2002 12:11
Danke Knaller. Auf Dich ist -wie immer- Verlass. Nun bin ich "à jour". Muss wohl "sauglatt" gewesen sein. Es wird sicher wieder mal einen Hock geben. Allen Aarau-Fahrern gute Fahrt und bringt "verglemmi" 3 Bohnen ans Rheinknie.

von Betty Bossi - am 06.07.2002 12:12
schiesse, y has gwüss y ha öpper vrgässe. sorry captain, bi dr ein schuldig. aber y korrigiers grad im originalbyytrag. *oberpeinlich*



von Latteknaller - am 06.07.2002 12:23

@betty

"Es wird sicher wieder mal einen Hock geben."

immer am 5. vom monet, also näggschtmol: mändig, 5. august. alles klar?



von Latteknaller - am 06.07.2002 12:25

Re: @betty

Merci mein Lieber. Termin ist mal notiert. Hoffentlich kommt bei mir nicht wieder was Aussergewöhnliches dazwischen.

von Betty Bossi - am 06.07.2002 12:30
super zämefassig fö die wo ned gsi send!!

i cha mers grad beldlech vorstöue :spos:



von Faninho - am 06.07.2002 13:06
Zilina heisst üf hochdütsch Sillwein.

von Rotblau - am 06.07.2002 18:06
Zur Information:
MySnip.de hat keinen Einfluss auf die Inhalte der Beiträge. Bitte kontaktieren Sie den Administrator des Forums bei Problemen oder Löschforderungen über die Kontaktseite.
Falls die Kontaktaufnahme mit dem Administrator des Forums fehlschlägt, kontaktieren Sie uns bitte über die in unserem Impressum angegebenen Daten.