Diese Seite mit anderen teilen ...

Informationen zum Thema:
Forum:
Red Blue Devils Poeten Forum
Beiträge im Thema:
37
Erster Beitrag:
vor 16 Jahren, 1 Monat
Letzter Beitrag:
vor 16 Jahren, 1 Monat
Beteiligte Autoren:
Latteknaller, Fanti, Faninho, pluky, Goofy, Genki7, Mätzli, salegh, atzge, Betty Bossi, ... und 6 weitere

Wo ist die Fankultur geblieben?

Startbeitrag von optimus am 18.07.2002 10:57

Die hochgelobte Basler Fankultur,wo war sie gestern,gegen Xamax,gegen Aarau?Ausser den immer gleichen Lobgesängen(FCB Schwitzermaischter) und nervigem Fahnenschwenken (zwischen dem Spiel)gab es ja nicht gerade viel Abwechslung.Sind wir Fans auch schon gesättigt?Können wir die Mannschaft nicht mehr nach Spielsituationen anfeuern?Wo ist das aggresive mitfiebern geblieben das die Basler Fan Jahrzehnte ausgezeichet hat?Dieses Klatschen nach gelungenen Tacklings,dieses Anfeuern der eigenen Mannschaft bei Ballbesitz,dieses auspfeiffen bei gegnerischem Ballbesitz.Ich weiss es nicht,helft mir.

Antworten:

scho letscht johr isch die diskussion gloffe. und immer no schlimm find y, dass s'basler publikum am lütischte wird, wenns GEGE die eigeni mannschaft goht (usspfyffe nach em spyyl z.b.). geschter isch's am lütischte gsy gege schluss bim "wir wolln euch kämpfen sehn". y ha nid mitgsunge, denn wenns an eim nid gfählt het IMHO, ischs am yysatz gsy. es isch ne halt numme nid vyyl glunge.

ins glyyche goht mi yytrag "joggeli" vo hüt. es heisst immer wyder s'joggeli het e schlächti akksutik. aber s'lygt nid am joggeli, s'lygt an de fans!

und me cha jo nid uff dr einte syte dr mannschaft vorwärfe, sy ruehe sich uff de lorbeere us, und uf dr andre syte als fan s'glyyche mache.

möcht aber no aafiege, dass ych d'stimmig geschter nid sooo schlächt gfunde ha. vo de YB fans hanny ämmel au nid meh ghört.



von Latteknaller - am 18.07.2002 11:18
Mir scheint es, dass zuwenige FCB-Fans noch Lust haben, die ganze Zeit für akustischen Lärmpegel zu sorgen. Eigentlich schade.
Sollte der FCB guten Fussball bieten, kommt's automatisch wieder. In dieser Hinsicht wurden wir in den ersten 3 Saisonspielen nicht verwöhnt.

von Rotblau - am 18.07.2002 11:33
richtig. aber das füehrt wyder in die leidigi diskussion öb dr funke vo dr mannschaft ins publikum muess springe, oder öpps nid vyllicht au emol umgekehrt sött sy. ind dr baz het sich uff jede fall eine g'üsseret nach em xamax-match (weiss nid, glaub s'isch dr lupo gsy), dass me sich e biz me unterstützig gwunsche hät, grad wo's nid gloffe isch. das dörf nodürlig nid als entschuldigung aahnehebe, aber es zeigt halt glyych, das au mir no meh mien gäh.

es isch halt nid numme d'mannschaft wo s'gfühl het, nach em double laufts von elai, au d'fans meine das. und d'erwartige (und d'enttüschig wenn sy nid erfüllt wärde) sin halt ryysegross.



von Latteknaller - am 18.07.2002 11:40

Cooooome ooon yer boys from Basle
Come on yer boys from Basle
C'mon yer boys - c'mon yer boys from Basle
Come on yer boys from Basle
Come on yer boys from Basle
C'mon yer boys - c'mon yer boys from Baaaaasle...




von Fanti - am 18.07.2002 11:45
Mitschreie wenn alli andere schreien isch aifach. Aber emool "dr Finger uusenää" in ere eenter nit so tolle Situazioon isch eppis anders. Do zaige sich halt die oft zitierte Modefans - au am Byspiil vom Zilina-Match: do git's e gynschtig Aagebot fir e Daagesfluug in d Slowakei, und grad emool 80 Naase mälde sich aa. Mi dunggt das beschämend. Mit -zig dausig andere uff e Seibi go dr Maischter fyyre, do kemme si alli us de Lecher uuse. Und jetz? Basel e "Fuessball-Stadt"?? Im Momänt wieder nit mee und (nnonig..) weniger als anderi...



von Fanti - am 18.07.2002 11:55
Entschuldigung, aber wenn e Spiiler, wo aigetlig sett um e Platz in de erschte 11 kämpfe no d'Unterstitzig vo de Fans reklamiert, no ka-n-ych däm motivationsmässig wohrschynlig au nimm hälfe, wenn y 90 Min. duureschrey.

Dr Fungge springt immer vo dr Mannschaft ybere uff's Publikum, und das erzygt denn e Wäggselwirggig. Y ha d'Stimmig ybrigens nid so schlächt gfunde.

Was stimmt isch, dass Fans, wo ebbis im Hirni hänn, bi 0:1 5 Min. vor Schluss nid unbedingt sette dr "Basler Walzer" tanze, sondern d'Mannschaft mit eme troggene "FCB" aapeitsche!!



von Mätzli - am 18.07.2002 11:56
Ich kenn e baar wirklichi Fan, wo nid kenne go, well sie aifachs Gäld nid hän. Zum Bischpil mini Kollegin und ich gang au "nur" mit em Car, well mir die 450 Stai nid eifach so in Schoss dien gheie. En anderer wo scho in Heerenveen drbi gsi isch und sowiiter, isch halt grad denn in de Ferie.

Viel schlimmer sin die wo denn am 7. Augschte nid im Joggeli sin. Ich wird au drbii si, muess no s Bilett bi minere Kollegin go hole und zahle.



von Goofy - am 18.07.2002 12:05
das ist so eine sache mit das richtige im richtigen moment singen!!
das schlimmste finde ich einfach immer noch das pupertäre "wir wolln euch kämpfen sehn" :mad:

die stimmung bisher, fand ich aber gar nicht sooo schlecht, bedenkt man doch dass wir anfangs saison sind und noch nicht die gleichen emotionen gelebt werden!! ich hab da saison anfänge im kopf da wars viel ruhiger!!
die stimmung mit all ihren facetten wird wieder kommen, die spiele werden wieder besser und intensiver und der fcb wird wieder gewinnen!!!



von Faninho - am 18.07.2002 12:12
Mir isch nadierlig au klaar dass nit jeeden aifach so 450 Stutz ka aaneblättere. Au fir mi isch das vyyl Gäld. Und mit dr Fantine zämme wäär's uff dopplet so vyyl koo wo mer hätte miesse zämmegratze. Aber vo all dääne wo am 8.5. uff em Seibi gsii sinn hätt's eppe zwai Bromill bruucht, und die Rais wäär z stand koo. Ych blyyb derbyy: s isch verdelli e Schand!



von Fanti - am 18.07.2002 12:26
Jo ich gibt dir rächt, bi dene wo s Gäld hän, do isch es wirklich e Schand, aber bi minere Kollegin begriff ichs, sie isch im Minus uff ihrem Konto, well sie nid sone grosse Lohn hett und do sie ellai wohnt au alles sälber muess zahle, ich weiss, dass sie sofort wurd go, bekämmt sie frei und wär ihres Konto nid läär. Mit ihre bin ich nämlig uff Lübeck donneret. Am 12 e Telifon, du mir göön uff Lübeck, am sächsi bi mir, denn ab uff Lübeck und am 2 am morge vor dr Mühli uff dr Parkplatz, dört übernachtet im Auto und denn am Obe wieder zrugg. Ich ha dört Ferie ka und sie hett am Morge vom Chef frei bikoo.



von Goofy - am 18.07.2002 12:37
Es werden genug Leute nach Zilina reisen...viele werden mit dem Car oder mit dem Zug hinfahren.

von Angelo - am 18.07.2002 12:46
450 sfr wär bi mir sagggeld vo fascht eme halbe joor!
und dorum wenni scho nit an alli int. usswärtsmatch kah go denn warti halt uff die aktraktivere



von Genki7 - am 18.07.2002 12:48
aber dä flog söt doch glich no z'stand cho oder :-(?



von Faninho - am 18.07.2002 13:27

@genki

es sig dr vrzyhe :D

genki no schnäll e frog:; du bisch doch zimli italie-orientiert, weisch du für welli stadt d'autonummere "BR" stoht? messi für d'info !



von Latteknaller - am 18.07.2002 13:29

Re: @genki

ich tipp uff Brescia :D

von Stavia - am 18.07.2002 13:30

Re: @genki

wenn mi nit alles tüscht isch BR für "brindisi"... bi aber nit ganz sicher...
kennt mi au tüsche...

@genki, korrigier mi... wenns nit stimmt... :D

von salegh - am 18.07.2002 13:33
hehe, fanti, der ist einfach geil! tanzt mir noch heute im kopf rum und gestern hab ich sogar noch auf 'm tram (in zürich!) "coomeon yer boys" gejohlt! :-)

von plopp. - am 18.07.2002 13:33

Re: @genki

nei brescia isch BS... do bi mr fascht sicher... bi immer stolz gsi in de ferie und ha mim babe xait lueg e italo-basler... :D :D

von salegh - am 18.07.2002 13:34
Si mache e Zwaidääger: Abfluug scho am Zyschtig demoorge, denn zwai daag Uffenthalt in Zilina und noch em Match zrugg - wenn si d Bewilligung bikemme noch Mitternacht in Basel z lande...sunscht git's e zwait Ybernachtig in Zilina. Das Ganze koschtet nadierlig mee, vor allem aber kenne mir nit scho am Zyschtig goo. Jänu... :-(



von Fanti - am 18.07.2002 13:40

zer musik: "those were the days"

das wird e klassiker !



von Latteknaller - am 18.07.2002 13:44
scheisse :-(

und nun kommt all ihr lustigen poeten nicht??



von Faninho - am 18.07.2002 13:50
"@genki, korrigier mi... wenns nit stimmt..."

ich ha kai ahnig ;)



von Genki7 - am 18.07.2002 13:55
" Viel schlimmer sin die wo denn am 7. Augschte nid im Joggeli sin"

ich bi musiker vo bruefs wääge (kei studi, gäll wurmi ;) ), und ha am dunschtig vom zilina-ruggspiil generalproob voreme konzärt. mini kollegä hei mr striggt vrbotte, an match z goo, macht mi das jetz schlächter? i ha au vorghaa, nach zilina z goo - mit frossard, will ich am oobe vorhäär e proob ha, und am daag druf e konzärt. zilina chani jetz ganz stryyche, das schisst mi scho gnueg aa.
aber ich bi diinere meinig, dass die, wo an e meischter-, cup-, oder doublefiir chömme, aber nit im stadion sinn, wills "no um nüt goot" nit wirklig bewundernswärt sinn

von pluky - am 18.07.2002 13:59

..oder wie wärs mit:


dasch unsre FCB
dasch unsre FCB
dass muess me gseh, dasch unsre FCB
dasch unsre FCB
dasch unsre FCB
sy gwinne eh, dasch unsre FCB

so als "locals" variante :D

für auswärtige: "dasch" ist kein waschmittel sondern steht für "das ist" ;)



von Latteknaller - am 18.07.2002 14:01

Re: @genki

Stimmt. Mir hett emool aine in Italie wie wild gwungge, will är gmaint hett, ych syg au us Brescia.



von Mätzli - am 18.07.2002 14:08
do gilts prioritäte z'setze........
ha ou en kolleg wo es zitlang emmer met ad match cho esch... san marino ond öberau häre... de heter ou eines tages de entscheid troffe, voll ofd karte musik z'setze.. schad för alli, för ehn ond üs anderi kollege, aber du besch jo ned so deftig, gosch emmerhen no a match, äs so guet we nömm :-(

(nor sones gschechtli am rand) :-)

:cheers:



von Faninho - am 18.07.2002 14:10

näbe poete jetzt au no musikante :-)

bruefsmusiker ? wow.
klassisch? wo? welles instrumänt?
will y sälber au musik mach (allerdings nur hobby, ych glaub für my könne würd niemer öppis zahle) interessiert mi das sehr. freu my dy an dr tanki kennezlehre.



von Latteknaller - am 18.07.2002 14:10

Re: @genki




....ha au kai Ahnig,aber wie wär' mit Bari?

:confused:



von atzge - am 18.07.2002 14:12

Re: näbe poete jetzt au no musikante :-)

Lieber Knaller

Ich habe mal in einer Guggemusig "die Lotus-Flöte" gespielt ... alles ohne Noten ... ich war damals Stadtbekannt :-)

Du musst mal die 8 Paukisten, welche Pauken vom FCB erhalten haben, einladen. Ich glaube es werden dann nur 2 Pauker einlaufen ...

von Betty Bossi - am 18.07.2002 14:15
D Grufty macht die zwai-däägig Fluugrais mit; dr Mätzli, mi besseri Helfti und ych mien's laider blyybe losse. :-(



von Fanti - am 18.07.2002 14:19

Re: ..oder wie wärs mit:

Mit ere Melodie vom Spatz vo Paris wurds au no guet töne. Milord wurd no guet go.



von Goofy - am 18.07.2002 14:26

pluky und musig

oggeeh, bruefsmusiker isch dezänt überdriibe gsee. aber i bi quasi professionelle hobbymusiker. an knaller: ich spiil posuune, usrichtig jazz.

und das mit em ruggspiil isch halt ganz dumm gloffe: i ha us bärn e-n-aafroog überchoo für e konzärt am dunschtig em 8.8. vonere band, woni rächt guet find und mit ene verstand. also hani d lüt in basel gfrogt, ob mr d broob chönnte uf e mittwuch vorvrlegge. i ha in mim buff, woni immer mit date ha, komplett vrgässe, dass denne cl-quali isch. und denn isch halt z spoot gsee :(

von pluky - am 18.07.2002 16:05

Re: @genki

i glaub "bronto" ...:D



von Don Daniel - am 18.07.2002 17:11

Re: pluky und musig

Zudem was ich geschrieben habe, ich hätte es eigentlich deutlicher schreiben sollen, ich meine solche, die an diesem Abend nichts zu tun haben. Solche die nicht gehen werden, weil es eine langweilige Affiche ist und der Match ja eh im TV kommt. Nicht solche die in den grünen Ferien, sonstigen Ferien, am Proben, im eigenen Training etc. sind!

Dass du in deiner Chaosterminierung vergessen hast, dass Match ist, ist aber dein Problem. ;-)



von Goofy - am 18.07.2002 18:03

Re: pluky und musig

" Dass du in deiner Chaosterminierung vergessen hast, dass
Match ist, ist aber dein Problem. ;-) "

stimmt leider :(

von pluky - am 18.07.2002 18:26

Re: pluky und musig (nachtrag)

es war mir später schon klar, dass du damit nicht mich und leute, die in einer ähnlichen situation sind, gemeint hast, aber in dem moment, wo ich meine antwort geschrieben habe, war der frust wegen der absage (für mich kam das zweite angebot einer absage gleich) zu gross, da hab ich das halt auf mich bezogen. also nichts für ungut.

von pluky - am 18.07.2002 18:56
Zur Information:
MySnip.de hat keinen Einfluss auf die Inhalte der Beiträge. Bitte kontaktieren Sie den Administrator des Forums bei Problemen oder Löschforderungen über die Kontaktseite.
Falls die Kontaktaufnahme mit dem Administrator des Forums fehlschlägt, kontaktieren Sie uns bitte über die in unserem Impressum angegebenen Daten.