Diese Seite mit anderen teilen ...

Informationen zum Thema:
Forum:
Red Blue Devils Poeten Forum
Beiträge im Thema:
16
Erster Beitrag:
vor 15 Jahren, 10 Monaten
Letzter Beitrag:
vor 15 Jahren, 10 Monaten
Beteiligte Autoren:
Kopfschüttler, interessierter, wurmi, Faninho, Betty Bossi, Tolkien, luki77, Swiss_Rincewind, Fünfliber, Latteknaller, Rotblau

Poete in dr Arena?

Startbeitrag von Kopfschüttler am 15.10.2002 09:43

Sali zämme!

Gseht-me hütt au wiider Poet(in)e in dr St. Jakob-Arena? Am 20.00 isch dr Match gege d'Grasshoppers (wobi ych bim beschte Wille nidd waiss, was e Grashüpfer uff-em Yys z'sueche hett!)?



Antworten:

Leider werde ich nicht anwesend sein. Einerseits habe ich nicht genügend Zeit (es wird schon so schwer genug die Seminararbeit rechtzeitig fertigzustellen) und anderseits haben die Reisen nach Kanada und nach Liverpool mein Sparstrumpf zu stark belastet :(



von Swiss_Rincewind - am 15.10.2002 09:50
ich gang hüt s'erscht mol in d'Arena!!! *freufreu*

Ich bi zwar kei grossä Hockey Fan aber das ganzä wett ich jetzt glich mol gseh... und bsunders wenn mä d'Chance het ä Match gseh wo GC verliert :joke: :cool: :joke:

von Fünfliber - am 15.10.2002 09:54
wie ebe scho am samschdig erwähnt isch dr zyschdig für mi e sehr ungünschdige daag. wird y wohl sälte bis nie chönne go :-(



von Latteknaller - am 15.10.2002 10:19
Ich bi Fuessballfän und doher gang i nur sälte an Spyl vo andere Sportarte. Vo Johre han i ab und zue dr RTV, dr ATV, dr EHC und dr RSB im Ysatz gseh. Eimol bin sogar emol zu unsere Nochbere im Elsass go MBC (Mulhouse Basket Club) luege imene damalige Spitzekampf.

In der NLA-Winterpause isch für mi denn wider Fuessball im Ussland gfrogt.
I lueg, dass i denn emol au no e EHC-Spyl wird gseh.



von Rotblau - am 15.10.2002 10:29
Y bi sicher derte, wie immer (Als wurd das Bijou scho sooo lang stoh... ;-)) im B2 uf dr Stehrampe zoberst obe... ;-)



von luki77 - am 15.10.2002 10:41
Wie wär's mit-e-me kurze Pausedräff? Ych schloh vor, in dr erschte Drittelspause bi dr Stäge zum B4? Wär das ebbis?



von Kopfschüttler - am 15.10.2002 10:57
wie hoch sind itrittspriise???
hets bier mit alk im stadion???

von interessierter - am 15.10.2002 11:06
Saison-Abo Sitzplätz B4: 450.-- (Nidd-Mitgliider) ;-)

Einzelyydritt (bim Ticket-Corner):

13.45 (bis 16 J.: 11.20) Stehplatz
28.00 (Sitzplätz B und C)
33.60 (Sitzplätz A und D)

an dr Obekasse wohl günschtiger, will kai Vorverkaufs-Zueschlag...

Bier:
Ych wüsst nüdd anders (oder schmöggt das Achtzähhundervoreemkireg-Bier so komisch, will's Alkoholfrey isch...? ;-))


PS: Alli Agoobe ohni Pischtole.... eh Gwehr...!



von Kopfschüttler - am 15.10.2002 11:24
messi!!

:cheers:

von interessierter - am 15.10.2002 11:28
het s dört e tögglikaschte? ;-)

irgendwenn möcht i die arena au mol vo inne gseh, hüt liggt leider nid din; die eigene saison foht (ändlig) ah, juhui!
aber wenn du witerhin brav jede heimspieltermin do inne bekannt gisch (i ha null ahnig vo iishockey, spielplän, termin usw.), denn wird irgendwenn sicher bald si:-)

von wurmi - am 15.10.2002 12:22
Hmmm....

...gseht doch so uss, als wenn dr aind oder ander (gilt au für Wyybli) in Sache EHC e gwüsse Nochholbedarf hätt... ;-)

Villicht wär's jo in dämm Sinn wirgligg no en Idee, wenn mir dr näggscht Poete-Obe in Form vo-me Ussfluug in d'Arena übere würde gstalte?

Am 5.11. isch e Haimspiil gege Langethal.

Löhnt's Euch bi Gläägehait emoll druch dr Kopf goh! :D



von Kopfschüttler - am 15.10.2002 12:31
Die Idee mit em 'kombinierte' Poeteträff find y nit schlächt, y würd my uff jede Fall drüber freue. Y wird hyt z Obe au nit am Match si, schieb das aber vorerst uff mangelndi Zyt. Y ha my aber zuegäbenermasse abgseh vo de WM und de Playoffs eigentlig kuum für Yshockey interessiert und de EHC han y bis vor einige Mönet au numme us em Radio kennt...

... y fühl my als richtige Modefan... :-/



von Tolkien - am 15.10.2002 14:44

5.11. poete träff ide arena

hee das fendi doch en super idee!!!

i wot sowieso mol ane match id arena ond denn esch doch das am beste, mer verbende das grad met em nöchste poete träff!!!

aso i be debie, 5.11. st-jakob arena basel :D

organisiersch du tickets kopfschüttler?

von Faninho - am 16.10.2002 06:20

Re: 5.11. poete träff ide arena

spitze idee!!!

von wurmi - am 16.10.2002 15:34

Re: 5.11. poete träff ide arena

Liebe R. ... äh Wurmi ..

Simone und ich kommen auch. Nur wegen Dir, dem Schwaben und den Poeten.

Was ist da schon "Langenthal" ... just for fun ...



von Betty Bossi - am 16.10.2002 15:39
Zur Information:
MySnip.de hat keinen Einfluss auf die Inhalte der Beiträge. Bitte kontaktieren Sie den Administrator des Forums bei Problemen oder Löschforderungen über die Kontaktseite.
Falls die Kontaktaufnahme mit dem Administrator des Forums fehlschlägt, kontaktieren Sie uns bitte über die in unserem Impressum angegebenen Daten.