Diese Seite mit anderen teilen ...

Informationen zum Thema:
Forum:
Red Blue Devils Poeten Forum
Beiträge im Thema:
4
Erster Beitrag:
vor 15 Jahren, 10 Monaten
Letzter Beitrag:
vor 15 Jahren, 10 Monaten
Beteiligte Autoren:
Krümeli, pluky, Latteknaller

Hoi zämme

Startbeitrag von Krümeli am 16.10.2002 10:07

Hallihallo,
bi wieder do
wiit ewäg vom schöne Strand
zrugg in unserem verrägnete Land

Schöns isches gsi
go schnorchle im Meer
und vor de Pyramide z'stoh
isch au gsi e Ehr

Nur ei Daag wotti vergässe
dä verhängnis volli Obe
wo unseri Helde sind uf Valencia
het d'Närve gstellt uff d'Probe

Do hogge mer an dr Bar
beidi e Cocktail in dr Hand
starre s'Natel ununterbroche a
zum erfahre dr neuschti Stand

Chuum isch apfiffe worde (e Uhr hän mer jo kha ;-) )
hetts natel scho vibriert
mer luege uns voller vorfreud a
was isch ächtsch passiert

1:0, olé, Valencia isch guet
2:0, ok, Valencia isch zimlig stark
3:0, oje, Valencia haut uns wäg
4:0, ojemine, das goht durch Knoche und Mark (isch mer nüt bessers igfalle :rolleyes: )

Aber denn, mer glaubes chuum
gits e chline Hoffnigsschimmer
4:1 stoht ufem Display
leider chunnts denn aber wieder schlimmer

5:1 und 6:1 und 6:2?
mer wüsses nüme so genau
betrüebt schlürfe mer dr Cocktail
und dr Himmel schint so grau (trotz vieleviele Stärnli)

Mer händ jo gwüsst,
dass Valenica stärker isch
aber e chli hart isches gsi
vor allem wenn in de Ferie bisch


Ok, i gibs zue, isch nid dr Hammervärs, usserdäm mit verschiedene Stil, aber isch bi mir halt scho einigi Joor här sit i s'letscht mol e Gedicht gschriebe, und do's in däm Forum vieli git wo das usgezeichnet mache hani mi bis jetzt no nie getraut.

Also, ha mi domit wieder agmäldet, hoff euch bald wieder emol vor dr Tanggi z'gseh (aber leider nid am Samschtig, bi zwar no verletzt, muess aber trotzdäm mit nach Sarnen an Match, damminomol)

Greetz Krümeli

Antworten:

als mir gfallt dy mischmasch-stil hervorragend.
das gedicht passt irgendwie zum nick :D

numme wyter so!



von Latteknaller - am 16.10.2002 11:00
i schliess mi em latti a. tolls gedicht :spos:

von pluky - am 16.10.2002 11:14
Danggedangge "rotwird", me hört doch no gärn ab und zue es komplimänt :D

von Krümeli - am 16.10.2002 11:31
Zur Information:
MySnip.de hat keinen Einfluss auf die Inhalte der Beiträge. Bitte kontaktieren Sie den Administrator des Forums bei Problemen oder Löschforderungen über die Kontaktseite.
Falls die Kontaktaufnahme mit dem Administrator des Forums fehlschlägt, kontaktieren Sie uns bitte über die in unserem Impressum angegebenen Daten.