Diese Seite mit anderen teilen ...

Informationen zum Thema:
Forum:
FCS-Forum
Beiträge im Thema:
15
Erster Beitrag:
vor 11 Jahren
Letzter Beitrag:
vor 10 Jahren, 11 Monaten
Beteiligte Autoren:
Lambiel, sleschinen, mirko sleschinen, Key Player, 2. mannschaft, igor wahrwohlnigsmuosovsky, igor holtjedävodäbäimuosovsky, tschigikovsky, Jöhnse Enström, SENIOR

Hockey-Match 1:2

Startbeitrag von Lambiel am 01.11.2006 14:20

Salütti zämä

Sodäli, äs isch glaibs langsam Zytt, dr Hockeymatch vum Äis gägä z'Zwäi (8.12., 13-15 Uhr in Engelberg) z'lanciärä.
Miär vum Äis hend ja scho d'Hoffnig, dass sich z'Zwäi syt'em letschtä Match vu vor 2 Jahrä mit jungä Chreft het chennä versterchä, so dass miär i dem Jahr d'Abmachig chenned la ghyä, dass z'Äis nur uf äim Bäi derf fahrä.

Gruäss
Lambiel, der Eisvirtuose

Antworten:

Salütti Lampion äähh...Lambiel

Wartet iär numä. Das mal wärdet iär iichers iiswunder scho nu erläbä! Bis jetzt hemmer iich amigs la gwinnä, damit iär nachhär ai nu chli i üsgang cho sind und nid grad deprimiärt hend miässä hei gah.

Aber dermal git's kei Gnad...ds zwei isch parat!! (guätä reim, nid wahr?)

Gruäss
Key Player

von Key Player - am 06.11.2006 22:18
Key Player? Iär hend ämal nit mängs Goal gschossä, de het'mä doch käi Key Player?

von Lambiel - am 08.11.2006 12:08
Das hend iär nur nid gmerkt, dass miär Goal gschossä hend. Das gaht äso schnell bi iis ;)

Miär wärdet ja de gseh...

von Key Player - am 08.11.2006 21:44
Hoffä ds zwei chat ych gegglä vum eis einisch abälah...nur ohne mini schlitschuäkinscht wird das wohl ai i dem jahr es schwirig underfangä si.......

tschou

von tschigikovsky - am 10.11.2006 11:59
so Jungs,
langsam d'schiinbeischoner alleggä, dr mundschutz i ds gläff iipassä und nu einisch d'chellä mitem föhn gu prepariärä....ds eis chad nu d'bettfläschä vu dr mamä gu suächä, dass si nid ds starch dend as fudäli friirä, will si ja ehh diä ganz ziit nur epis am bodä umäschnagged. aber kei angscht, äui iähr mend nid nass hei...will ds zwei yych ja duäd abtrechnä!!! mit denä wort mecht ich mich äui wieder verabschiedä...luägä de vu ziit zu ziit nu mal innä ob sich irgend ä nasä vum eis nu trüüt zum wort z'mäldä...aber äbä...eher hoffnigslos...
also hals und beibruch...

griässli sleschinen

von sleschinen - am 04.12.2006 15:57
Salütti

Ich bi starch am iberleggä, eb ich ä Wett, wo scho vorem letschtä Hockeymatch vor zwäi Jahrä gluffä isch, widr sell la üfläbä. Damals hend dr Oleg Thomov und dr Lambiel mit'em 2-Trainer Zurfluähichelli gwettet, dass sie im Fall vum'nä Sieg vum 2 vu Engelberg wurtet häilaifä. Eb ich diä Wett widr sell lanciärä, isch nu ugwiss, will miär im 1 doch ai äinigi Veränderigä im Hockey-Kader mend verchraftä und nit wissed, wiä sich diä Hockey-Greenhörner (Long Aschwandä sen., Marty 2, Boucher, Imhofov Raphaelski, Darinho und Wayne Baumän) wärdet schlah. Allerdings wird ja das sowieso chüm entscheidend sy, will miär isch da z'Ohrä cho, z'2 liäsi sich uf ds Abentyr i, dr Mc Bachi i ds Goal z'stellä? Ich wäiss nit, wiä miär da gäg z'2 selled verlyyrä. Miär hend ja zur Absicherig, falls iär iberhaipt äinisch i yseri Platzhelfti chämed, immernu dr "Little Tosio" i dr Büttig.

Gruäss
Mario

PS: Ha da gheert, dr Sleschinen syg i dr letschtä Wuchä äxträ nu gu trainiärä gsi. Houhouhou!!!!

von Lambiel - am 04.12.2006 21:21
nastrovia

ich ha gar nit gwüsst, dass miär diä vorderä jahr amigs gägä ds 2 gspillt hend,ha immer gmeint das siget d altseniorä gsi, so wiä sie sich bewegt und gspillt hend.aber da ja so grossi sprüch vom anderä lager chämet, muss ich epä glich ai vom chaltä sibiriä mim schneetöff uf das säbä ängelbärg cho.de bini ja gspannt eb das nit nur läri hüästerli gsi sind

salute

von igor holtjedävodäbäimuosovsky - am 04.12.2006 23:53
wuötti,

das mitem trainiärä das isch ä wahrä, fir das schämimi äui nid...ds hockeyspielä macht mr hald spass...s'gahd mr meh um dass. äs isch ja nid ä so, dass ich und ds ganzä zwei nu miässted gu trainiärä, will gägä diä mechtegärn ralph krüger jungs vum eis chennti ja barfuässspielä und hät nu meh halt üf dä beinä als so mängä andärä...das mr dr bachi im goal hend isch da äui käs hinderniss, da miär i bachi "the wall" fäbs grosses vertrüä hend und da diä meischtä eis spieler ehh miä hend vu dr bläuiwä liniä bis is goal firä ds mega, gsehni da kä grund id hosä ds machä. da bim eis wiä ds lambiel gseid hed einigi usicherheitsfaktorä dr zuächämed und ds zwei mit einigä versterchigä (gamminski, vauclair denise, john enzovski und nid ds letsch a minärä wenigkeit) cha üfwartä, freiw ich mich doch ufänäs amüsants und interessants spiel. herr lambiel...diä wett chennt mä scho lanciärä...chentsch aber äui ä andärä vorschlag bringä, wo bedi partiä epis mend leischtä....bi fir alles offä...

mit gefrorenen Grüssen
sleschinen

von sleschinen - am 05.12.2006 09:30
Bösi zunge bhaupted, der NHL-Topstar und MVP vode letschte 4 Jahr Jöhnse Enström (i gwüsse chreise au bekannt als Peter Enzberg) sig hüt am Morge endlich übere Teich cho und am 12.05 Uhr z Klote am Flughafe itroffe. (Für die Wiehnachtsschlittschüendlervomeiswozmammimuessdschlittschuehbinde wo jets immer nunid ganz drusschämed, die seled doch am Abig mal 10vor10 ischalte und der Bitrag über mich luege).
Schinbar siged d Schlittschueh au scho gschliffe und uf d Frag, ob er denn au fit sig am Frittig, heig er gantworted: "Ja sbrucht hald scho en churzi Umstelligszit um sich uf die breite Iisfelder und das europäische Iis umzstelle aber ich ha vo mim Blockpartner und ehemalige Sturmkolleg bim SCB sleschinen ghört es sig au nid nötig z beschte Iishokey z zeige. Es handli sich bim Gegner um strarch igschüchtereti und starch verunsichereti Hockeyaner, wo der Stock meh als 3. Schlifschueh bruched. Chönd d windle wider abzieh, 1.Mannschaft, ich spiele wahrschinlich eh ohni Rüstig gäg so hobbytruppene."

Wer ihn kennt, weiss das dass kei lehri wort sind vom Jöhnse. D experte vom Hockemagazin slapshot tippt ufne klahre Sig für die 2. Mannschaft.

Oh, bevor ichs vergesse. Der Valeri Gam(enz)ki sig au nu en nickname vo ihm ide Staate. Mä gseht sich ufem Iis

von Jöhnse Enström - am 05.12.2006 13:58
Ja wenn iär d ds 2 besigt hent, de chendr de immer nu einisch gägä d'seniorä cho...nur das wäri de wohl zu en grossi üfgab......

von SENIOR - am 06.12.2006 07:03

guät äbäli...mitenand,

nu einisch pfüsälä undr dr obhuät vu dr mammä und de gahds üsä üfs rauä iis. dr nacktä chaltä realität id d'äuigä luägä, fightä und duräbissä bis zum bittärä ändi. das erwarted yys morä, näbscht ä hüüfä luschtä kapriolä vu dä möchtegärn iisballerinas und little bükovs vum eis. da freiwmr yys doch üfänä interessantä und unterhaltsamä namittag i dem säbä ängelbärg obä....also buäbä...legged ich warm a...eppä nu äs päcktli nastiächli ipackä...mr weiss ja niä wenns tränä gid...und de gahds los....

also bis morn
mit eiskalten aufwärmenden grüssen
euer mirko sleschinen

von mirko sleschinen - am 07.12.2006 15:13
so äs tuäd mr leid aber ich bis hald scho wieder, cha ja äui niid drfir wend suscht niämmer trüd hiä innä ds schriebä....

ich wett allnä wo hitä üfem iis gstandä sind nu ganz härzlich firnä voll hammer namittag dankä....isch ächt ä glatti sach gsi...im wahrsten sinne des wortes... gläuibs fir diä eintä eher chli zuuu glatt....aber s'hend sich ämal alli miäh gä...
bi dä eintä heds de hald eifach chli besser üsgseh und s'isch chli effektiver gsi als bi dä andärä, aber häuiptsach mit spass dabei....

ich hoffe der spass isch dä eisspieler nid grad ganz vergangä nach derä wahrlichä klatschä wo sie da hend miässä ifahrä....(für alli nitbeteiligtä äs sig de am schluss sage und schreibe summa sumarum 14 zu 5 fir ds zwei gsi)....hoffä mr gsäch sich de negschtjahr gliich wieder ds ängelbärg obä am "schliifiisälä" wiä dr schillä so scheen gseid hed. Ich dänkä ja, dass än ächtä sportsma einä isch wo eifach niä üfgid...äui wenn d'üsgangslag nu so üsichtslos isch....mit denä üfmuntärndä wort firs eis mecht ich mich äui scho glii verabschiedä....
wettis aber nid underlah ä allnä zwei spieler nu mal ds gratuliärä.....top gsi jungs...

also scheens weekend nu und bis negschtjahr....

gruäss euer mirko sleschinen...auch genannt der "hammer von lappland"

von mirko sleschinen - am 08.12.2006 19:00
im kanton hent miär ke gegner, shalalalala, ...
oder ...
miär gwinnet jedes derby, shalalalala, ...

tja

von 2. mannschaft - am 09.12.2006 12:52
ich glaibä ich muss da gar nit vill schribä, ussert gratuliärä.aber isch scheen, dass miär ändlich gägner hend.ds negscht mal demmer de iis ai chli besser vorbereitä und scho am tag vorethär mi schneetöff uf das ängelbärg fahrä, zum aklimatisiärä.
gruäss us sibiriä

von igor wahrwohlnigsmuosovsky - am 09.12.2006 13:29
Zur Information:
MySnip.de hat keinen Einfluss auf die Inhalte der Beiträge. Bitte kontaktieren Sie den Administrator des Forums bei Problemen oder Löschforderungen über die Kontaktseite.
Falls die Kontaktaufnahme mit dem Administrator des Forums fehlschlägt, kontaktieren Sie uns bitte über die in unserem Impressum angegebenen Daten.